!! ॐ !!


Tuesday, August 17, 2010

!! आओ, आओ, सांवरिया बेगा आओ, थे मत न देर लगाओ !!





ओ मीठो है, नमकीन है श्यामसुन्दर, और चडपड़ो थोरो खाटो..
सोने की थाली में परोस्यों, घाल चाँदी को बाटो...
थारा टाबरिया मनुहार करे श्यामसुन्दर, देखू थे कईया नाटो...
ओ भोग लगाओ श्यामसुन्दर म्हारा, बाकी भगतां न बाँटो...







आओ आओ सांवरिया बेगा आओ, थे मत न देर लगाओ....
जीमो जी भोग लगाओ, है छप्पन भोग तैयार जी...
थारा टाबरिया करे है मनुहार जी...


केशरिया बर्फी, कलाकंद, रबड़ी, पेड़ा, इमरती, बालूशाही,
लाडु, बुन्दिया, जलेबी, रसगुल्ला, गाजरपाक, रसमलाई,
गुलाबजामुन, शक्करपाड़ा, घेवर न्यारा न्यारा...
जी में आवे, जीको थे और घलाओ, जीमो जी भोग लगाओ...
है छप्पन भोग तैयार जी...
थारा टाबरिया करे है मनुहार जी...




दालमोठ, पकोड़ी, कचोड़ी, भुजिया, पापड़, चिवड़ो,
कढ़ी, रबड़ी, साग सांगरी को, बाजरे को खीचड़ो,
रायता में जीरा को तड़को, पियो मार सबड़को...
संग काचरी की चटनी थे खाओ, जीमो जी भोग लगाओ...
है छप्पन भोग तैयार जी...
थारा टाबरिया करे है मनुहार जी...


आम, अमरुद, अंगूर, अनानास, आलूबुखारा, अनार धरा,
केला, सेब, पपीता और चीकू, संतरा, मौसंबी, रसधार भरा,
काकड़िया रा, लाल मतिरा और टमाटर खीरा...
नींबू खाठो थे थोड़ो छिड़कावो, जीमो जी भोग लगाओ...
है छप्पन भोग तैयार जी...
थारा टाबरिया करे है मनुहार जी...




आओ आओ सांवरिया बेगा आओ, थे मत न देर लगाओ....
जीमो जी भोग लगाओ, है छप्पन भोग तैयार जी...
थारा टाबरिया करे है मनुहार जी...


काजू, किसमिस, नोजा, खुरमानी, खोपरा, छुहारा, बादाम ल्यो,
जीम जूठ और आचमन करके, फिर थोड़ो आराम ल्यो,
सौफ, इलायची हाज़िर कर दी, और संग में मिश्री धर दी...
एक नागरियो पान भी चबाओ, जीमो जी भोग लगाओ...
है छप्पन भोग तैयार जी...
थारा टाबरिया करे है मनुहार जी...




छप्पन भोग परोस्याँ थारा भगतां, श्यामसुन्दर स्वीकार करो,
यो भक्त बावड़ो थारी महिमा गावे, श्यामसुन्दर अंगीकार करो,
लीला थारी, सब जग जाने, थे हो प्रेम दीवाने...
ह्रदय स म्हान तो थे ही तो लगाओ, जीमो जी भोग लगाओ...
है छप्पन भोग तैयार जी...
थारा टाबरिया करे है मनुहार जी...


आओ आओ सांवरिया बेगा आओ, थे मत न देर लगाओ....
जीमो जी भोग लगाओ, है छप्पन भोग तैयार जी...
थारा टाबरिया करे है मनुहार जी...



!! जय जय श्री श्यामसुन्दर जी !!

1 comment:

  1. Jai Shree Krishna...
    apki post or post ki image dono ko copy nahi kiya ja shakta...kya aap hume vo setting karna sikhayenge..

    ReplyDelete

Related Posts Plugin for WordPress, Blogger...

लिखिए अपनी भाषा में