!! ॐ !!


Sunday, August 22, 2010

!! श्याम रंगीला जी... श्याम रंगीला जी... !!




!! जय श्री श्याम !!






सोहणी सलोनी सूरत, म्हारे मन भायी जी...
जुड़ते नयना है वारि वारि, म्हारा सांवरिया...
श्याम रंगीला जी....श्याम रंगीला जी...


धोरा री धरती ऊपर, थे तो पधारया जी...
खाटू ने अपनो  धाम बनाया, म्हारा सांवरिया...
श्याम रंगीला जी....श्याम रंगीला जी...


ऊँचे सिंहासन बाबा, आप विराजो जी...
थारी अखंड ज्योत जागे, म्हारा सांवरिया...
श्याम रंगीला जी....श्याम रंगीला जी...



सतरंगी फुला को तो, गजरो गुथायां जी...
थाने भगत पहरावे, म्हारा सांवरिया...
श्याम रंगीला जी... श्याम रंगीला जी...


एकादशी न थारी, रात जगावां जी...
भजना में रंग बरसावा, म्हारा सांवरिया
श्याम रंगीला जी... श्याम रंगीला जी...


लीले चढ़योड़ा म्हाने, दर्शन दे दीज्यो जी...
मनरे की आस पुराओं, म्हारा सांवरिया...
श्याम रंगीला जी... श्याम रंगीला जी...


सोहणी सलोनी सूरत, म्हारे मन भायी जी...
जुड़ते नयना है वारि वारि, म्हारा सांवरिया...
श्याम रंगीला जी... श्याम रंगीला जी...




!! जय श्री श्याम !!

No comments:

Post a Comment

Related Posts Plugin for WordPress, Blogger...

लिखिए अपनी भाषा में